ചെറുതോണി:  സഹോദരനോടൊപ്പം കുളിക്കാനെത്തിയ പതിനേഴ് കാരൻപെരിയാറ്റിൽ മുങ്ങിമരിച്ചു. കീരിത്തോട് പെരിയാർ വാലി പള്ളിക്കുടി സിറ്റിക്കടുത്തു താമസിക്കുന്ന കല്ലിങ്കൽ രാജപ്പൻ്റെ മകൻ രതീഷ് (17) ആണു മുങ്ങി മരിച്ചത്. ശനിയാഴ്ച്ച ഉച്ചയോടു കൂടി സഹോദരനോടൊപ്പം കുളിക്കാൻ വന്ന രതീഷ് കയത്തിൽപ്പെടുകയായിരുന്നു സഹോദരൻ്റെ നിലവിളികേട്ട് ഓടിയെത്തിയ സമീപവാസികൾ  ഇടുക്കി മെഡിക്കൽ കോളേജിലെത്തിച്ചെങ്കിലും ജീവൻ രക്ഷിക്കാനായില്ല. പതിനാറാംകണ്ടം ഗവ:ഹയർ സെക്കൻഡറിസ്ക്കൂളിൽ പ്ലസ് വൺ പരീക്ഷയിൽ മികച്ചവിജയം നേടിയ രതീഷ് തിങ്കളാഴ്ച സ്‌ക്കൂളിൽ പോകാനുള്ളതയ്യാറെടുപ്പിലായിരുന്നു.രതീഷിന്റെ മൃതദേഹം നിലവിൽ ഇടുക്കി മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റിയിട്ടുണ്ട്. പോസ്റ്റ്മോർട്ടം നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും മാതാവ് ലീലാമണി ,സഹോദരങ്ങൾ  രാജേഷ് , ദിവ്യ.