ചെറുതോണി: വഞ്ചിക്കവല കെ.എസ്.ഇ.ബി കോളനി കൊച്ചുപൈനാവ് റോഡ് തകര്‍ന്ന് യാത്രയോഗ്യമല്ലാതായി വര്‍ഷങ്ങള്‍ കഴിഞ്ഞിട്ടും പുനര്‍ നിര്‍മ്മിക്കാത്തതില്‍ വ്യാപക പ്രതിഷേധം. ഇടുക്കി താലൂക്കിന് മുന്‍പിലൂടെ ചെറുതോണിക്കും കൊച്ചുപൈനാവിനും താന്നിക്കണ്ടത്തിനും പോകുന്ന ഈ റോഡിലൂടെ 200 ഓളം കുടുംബങ്ങള്‍ക്ക് വേഗത്തില്‍ ടൗണിലെത്താന്‍ കഴിയുന്നതാണ്. കെ.എസ്.ഇ.ബിയും ജില്ലാ പഞ്ചായത്തും തമ്മിലുള്ള അവകാശ തര്‍ക്കമാണ് റോഡ് നന്നാക്കാന്‍ തടസ്സമായിട്ടുള്ളത്. റോഡു തകര്‍ന്നതോടെ കുട്ടികള്‍ സ്കൂളില്‍ പോകുന്നതും, മുതിര്‍ന്ന രോഗികളായിട്ടുള്ളവരും ചുറ്റിവളഞ്ഞാണ് പോകുന്നത്. ഇതുവഴി ഇപ്പോള്‍ ഓട്ടോറിക്ഷപോലും  പോകുന്നില്ല. ജില്ലാസ്ഥാനത്തെ പ്രധാന റോഡാണ് തകര്‍ന്ന് കിടക്കുന്നത്. ചെറുതോണി ടൗണില്‍ ഗതാഗതക്കുരുക്കുണ്ടായാല്‍ കടന്നുപോകേണ്ട ബൈപ്പാസ് റോഡുകൂടുയാണിത്. അതിനാല്‍ അടിയന്തിരമായണ ത്രിതല പഞ്ചായത്തു പ്രതിനിധികളിടപെട്ട് റോഡ് യാത്രായോഗ്യമാക്കണമെന്ന് നാട്ടുകാരാവശ്യപ്പെടുന്നു