തങ്കമണി :ടാക്സി ഡ്രൈവേഴ്സ് യൂണിയൻ സിഐടിയു തങ്കമണി യൂണിറ്റ് കുടുംബ സംഗമം സംഘടിപ്പിച്ചു. തങ്ക മണി ബസ് സ്റ്റാൻ്റ് മൈതാനിയിൽ നടന്ന പരിപാടി സി.പി.എം ഇടുക്കി ജില്ലാ സെക്രട്ടറി സി.വി. വർഗ്ഗീസ് ഉദ്ഘാടനം നിർവ്വഹിച്ചു.യൂണിയൻ പ്രസിഡൻ്റ്പി ജെ ബിനോയ്  അധ്യക്ഷനായിരുന്നു.സി.പി.എം ജില്ലാ സെക്രട്ടറിയേറ്റംഗം റോമിയോ സെബാസ്റ്റ്യൻ മുഖ്യപ്രഭാക്ഷണം നടത്തി. തങ്കമണി എക്സൈസ് ഇൻസ്പെക്ടർ രാഹുൽ ജോൺ,സിഐടിയു ഇടുക്കി ഏരിയ സെക്രട്ടറി കെ.ജെ. ഷൈൻ, കാമാക്ഷി പഞ്ചായത്ത് പ്രസിഡണ്ട് അനുമോൾ വിജേഷ് തുടങ്ങിയവർ ആശംസകൾ അറിയിച്ചു.പരിപാടികൾക്ക് ചെയർമാൻ ബിജു ജോർജ്,  കെഎസ് മോഹനൻ, ' സിജോ എഴുവന്താനത്ത്, റോയി കുന്നുംപുറത്ത്, പ്രസിഡൻറ് ബിനോയ് പി ജെ, സെക്രട്ടറി ഭുവനേന്ദ്രൻനായർ,ട്രഷറർ ഷൈജു കൊട്ടാരം എന്നിവർ നേതൃത്വം നൽകി.ചടങ്ങിൽ വിവിത മേഖലകളിൽ കഴിവുതെളിയിച്ച പ്രതിഭകളെ ആദരിച്ചു. സ്നേഹ വിരുന്നും കലാപരിപാടികളും അരങ്ങുണർത്തി.