ചെറുതോണി:ചിന്നക്കനാൽ പ്രദേശത്ത് നിന്നും ജനങ്ങളെ മാറ്റിപ്പാർപ്പിക്കണമെന്ന ഡിസിസി പ്രസിഡണ്ട് സി പി മാത്യുവിന്റെ നിർദ്ദേശം സ്വാഗതാർഹമാണെന്ന് സിപിഐഎം ജില്ലാ സെക്രട്ടറി സി വി വർഗീസ് പറഞ്ഞു. എ കെ ആന്റണി സർക്കാരിന്റെ കാലത്ത് വേണ്ടത്ര പഠനമോ കൂടിയാലോചനകളോ ഇല്ലാതെ ഗോത്ര ജന വിഭാഗങ്ങളെ ചിന്നക്കനാൽ മേഖലയിൽ പുനരധിവസിപ്പിച്ചതാണ് വന്യജീവി ആക്രമണത്തിലൂടെ ഒട്ടേറെ ആളുകൾ മരിക്കാനിടയായ സാഹചര്യം ഉണ്ടായതെന്ന വിലയിരുത്തൽ യാഥാർത്ഥ്യത്തോട് ചേർന്ന് നിൽക്കുന്നതാണ്. വേണ്ടത്ര സുരക്ഷാ ക്രമീകരണങ്ങളോ അടിസ്ഥാന സൗകര്യങ്ങളോ ഉറപ്പുവരുത്താതെ വന്യജീവികൾ വിരഹിക്കുന്ന വനപ്രദേശത്തു കൊണ്ടുപോയി ഗോത്രജന വിഭാഗങ്ങളെ പുനര ദി വാസിപ്പിച്ച നടപടി ദൂര വ്യാപകമായ പ്രത്യാഘാതങ്ങൾ സൃഷ്ടിക്കുമെന്ന് സിപിഐഎം നേരത്തെ തന്നെ ചൂണ്ടിക്കാണിച്ചിരുന്നു ഇപ്പോൾ സിപി മാത്യു പറഞ്ഞിട്ടുള്ള അഭിപ്രായവും അതുതന്നെയാണ് ചൂണ്ടിക്കാണിക്കുന്നതെന്നും വന്യജീവി ആക്രമണത്തെ നേരിടുന്നതിനോടൊപ്പം ജീവന് ഭീഷണി നേരിടുന്ന ചിന്നക്കനാൽ മേഖലയിൽ താമസിക്കുന്ന മുഴുവൻ ജലവിഭാഗങ്ങളെയും മാറ്റിപ്പാർപ്പിക്കുന്നതിന് ആവശ്യമായ നടപടികൾ സർക്കാർ സ്വീകരിക്കണമെന്നും സിവി വർഗീസ് പറഞ്ഞു